هل توافق على حزف خانه الديانه من البطاقه الشخصيه؟
لاء طبعا ازاى نحذفها فى اساسيات لازم تفضل
هل تعتقد بوجود اضطهاد مسيحى فى مصر؟؟
لاء لاننا اطيب شعب فى الدنيا سواء مسلمين او مسيحيين
يمكن ده مجرد احساس بس مش فى محله مفيش اضطهاد
من هو الشخص اللى تختارة لرئاسه مصر؟
مش اسم معين بس اختار اى شخص يقدر يحقق للشعب احلاموا
ويرفع الظلم عن الناس ويحس بيهم . شخص من وسط الناس البسيطه
مش واحد يعيش فى برج عالى بعيد عن الناس
اذا قمت بتاسيس الحزب السياسى من هم الاشخاص الذى ستقوم بضمهم؟
فاروق الباز - عمرو موسى - طلعت السادات - زويل - يمكن فى ناس
تانيه انا نسياهم بس اكيد هختار الناس اللى بتحب شعبها وتحس بمشاكله
هل توافق على مشاركه كلا من الاقباط والاخوان المسلمين فى الحكم؟؟
لاءطبعا
هل تعتقد ان توريث الحكم سيتم فعلا؟؟
ايووووووووووووووووون وحسبى الله ونعم الوكيل فى اللى فى بالى
فى رايك الشخصى ماهو افضل انجاز لحكومه مبارك؟
انجازات ايه كفى الله الشر ونبى منا فاكرة يمكن الزهيمر بقى
ماهو اسوء عمل قامت به هذة الحكومه؟
المفروض كنت تقول ماهى اسوء اعمال مش عمل واحد . كتير اوى
بس اللى واجع الناس هو غلاء الاسعار وعدم الاحساس بالامان وانت
فى بلدك خايف لييجى اليوم اللى متلاقيش فيه لقمه
فى رايك الشخصى ماهى افضل مدونه قمت بزيارتها على بلوجر؟
هيبقى ظلم لو قولت مدونه واحده بعينها لان بصراحه فى كل مدونه
دخلتها حاجه عجبتنى مثلا مدونه شمس ونوشه وبطه ومارو واحمد الصباغ
ويارا واميرة ومدونه اسمها بنت بلد عجبتنى برضوا والشاعر ناس كتير
واعذرونى لو نسيت حد
للاناث فقط. هل توافقين على الزواج من رجل مطلق؟
لاء
اذا تزوجت وانجبت بنتين وولدين ماذا ستسميهم؟؟
يوسف وملك ومروان وايتن وطبعا الاسماء دى مبدئيا بس
اخيرا الى من تمرر هذا التاج؟؟
لكل اللى يحب يجاوب عليه
هناك ١٢ تعليقًا:
صديقتى العزيزة
أولا اشكرك على الاهتمام بالتاج واشكر شمس انه مررهولك
اجاباتك جميلة لكن ليا ملحوظة
وهى مش عندك بس لكن ناس كتير اجابو اجابة مشابه فى السؤال ده
لما اتسألو
اذا قمت بتاسيس الحزب السياسى من هم الاشخاص الذى ستقوم بضمهم؟
كانت الاجابة بأشخاص موجودين فعليا حاليا فى الحكومة المصرية
و نادرا ما وجدت شخص اختار دكاترة جامعة او علماء او اشخاص مغمورين
الحقيقة دى ظاهرة محيرانى
وان شاء الله هعمل بوست لمناقشة الاجابات
تقبلى شكرى الشديد على اهتمامك بالتاج
وتحياتى
أحمد
اية الجمال دة يا ريري
بس لية يا بنتي مش رضيتي الصباغ و حددتي الريس
هخليكي سياسية قريب بالعند فيكي
انت معاك حق يا احمد فعلا احنا اخترنا شخصيات موجوده فى الحكومه بس يمكن اخترنا افضل مافيهم . التغيير مطلوب برضوا بس احنا تعبنا من كتر التجارب فعملت بالمثل القديم اللى تعرفوا احسن من اللى متعرفهوش . ومش معنى كده ان الناس المجهوله هتطلع وحشه لو دخلت فى الحكم يعنى لكل قاعده شواذ واحييك على التاج ده ومنتظرين الجديد
عشان اغيظك يا شمس هتكلم وارد عليك بالفرانكو عرب واقولك اون ماى ديد بادى انى ابقى سياسيه ده فى المشمش بالعند فيك هفضل زى منا رومانسيه فقط فى زمن مبقاش فى رومانسيه وخليك انت فى السياسه بتاعتك
هههههههههه
واضح انك منطهدة شمس
من-طهدة زى من طنطا كدة
انا جاى اهدى النفوس بس
على فكرة يا شمس لو سكت لريهام هتسوق فيها ولازم تاخد موقف حازم
على فكرة يا ريهام لو سيبتى شمس يقول الكلام العنيف ده تانى هيسوق فيها
:)
ربنا ما يخلعنا من مشعللى النفوس
خالو احمد التوكتوكى
السلام عليكم
اول زيارة
مدونة جميلة ربنا يعزك يااارب
واجابات جميلة ولكن لى تعليق
انتى حضرتك رفضتى اشراك الاخوان والاقباط فى حزبك امال هتشركى مين ؟؟؟؟؟
وكلامك حلو بس زى ما خالو احمد قال لازم يكون فى تغير فى اختيار اعضاء حزبك
ونتمنى منكى تشريفى بالزيارة
وعلى فكرة اسم ريرى ده بحبه جداً
تحياتى اخوكى الصغير
اهلا باخويا الصغير ونورتنى بذيارتك دى يانجم لمدونتى المتواضعه اوى اوى اوى وان شاء الله هسجل مدونتك عندى واتابع كل جديد ليك دايما .
بالنسبه بقى لموضوع الاخوان انا عارفه انك من الاخوان المسلمين تفتكر لو انت مش من الاخوان كانت اجابتى هتلفت نظرك او هتهتم كده؟ طبعا لاء وعموما ان مش ضد الاخوان او غيرهم وفى نفس الوقت مش معاهم ودا مش موقف من الاخوان فقط؟ لاء انا ضد اى جماعات واى احزاب .
انا واعوذ بالله من كلمه انا بعشق الحريه مش عاوزة اربط نفسى بفكر معين وبعدين يا نجم باشا الدنيا مش كلها اخوان بس فى ناس تانيه كتير ومش شرط يكونوا تبع اى حزب المهم يكونوا بيحبوا البلد دى واهلها الطيبين .
وبشكرك على مرورك الكريم لمدونتى
نيجى بقى لخالو احمد افندى الصباغ بقى انت مشعللاتى؟؟؟؟ اعوذ بالله فشررر ده انت بلسم .... يتحط على الجرح يورم هههه . بقى الصباغ بيحرض شمس عليا؟؟ ابدا ابسولوتلى على راى الليمبى ده احمد ده حقنه زى المولعاتى كده انما مشعللاتى؟ اطلاقا ايه بس الناس الوحشه اللى بتطلع اشاعات عليك دى ياصباغ ؟ دنا طول عمرى اقول انا مخلفتش غير احمد المولعاتى ربنا يخليك لينا يارب وميحرمناش من حقنك يا حقنه
طب انا همرنك و هخليكي تحبي كل حاجة فيها سياسة انتي مش بتحبي مصر
هههههههههه
هو كل العالم مدبسين بالتاج
اجاباتك رقيقه مثلك
وانتي تكلمتي واحنا سمعناكي
:)
دمت جميله
روري
السلام عليكم
اسئله جميله
و ردود اجمل
تحياتى ابو مفراح
السلام عليكم
============
ريهام هانم قلتيلى هتيجى تشرفينا ونسيتى انا جى اعاتبك هههههههههه
اولا ده شرف ليا انى اخوان وده شرف ابتغيه ولا ادعيه اوك
ثانيا انا اهتميت بسؤالك ده علشان ان الاخوان والاقباط من الشعب يعنى انتى لو جالك واحد اخوان وعلى قدر عالى من الثقافة ولنقل مثلاً دكتور خالد عبدالقادر عودة اللهم فك اسره الذى يحاكم الان عسكريا واحد نبغة ممن انجبتهم مصرنا لو طلب الانضمام لحزبك هترفضى ؟؟؟؟؟؟؟؟؟؟؟
اترك لكى الاجابة
وتحياتى لكى والدنيا كلها مش اخوان يااستاذتى ولكن الدنيا كلها ناس حلوين وملتزمين وربنا يكرمك ويكرمنا وعاوزين نشوفك عندنا
إرسال تعليق