ياترى ليه دايما الاقوال المأثورة عن المرأة كتير وللاسف كلها ضدها مش فى صالحها؟ زىالمثل الفرنسى الشهير (فتش عن المرأة) مع انه كان اولى يقولوا فتش عن الرجل هههههههه كانواهيلاقوا بلاوى مستخبيه .. وفى الايه القرانيه اللى بتقول (إن كيدهن عظيم) . وحتى فى نتيجه 2008مثلاشوفوا الظلم وصل لحد فين بقطع ورقه لقيت مكتوب فيها ( لولا وجود المرأة لكان الشيطان من العاطلين)قال يعنى احنا اللى مشغلين حضرته.. والله هو شغال بينا او من غيرنا وأكلها ولعه زى مابيقولواههههههههه.تعالوا بقى نشوف الاستاذ انيس منصور اللى بحبوا اوى اوى كاتب ايه فى العمود بتاعه بجريدهالاهرام (يتوهم الرجل انه سقط فى أحضان المرأة ... والحقيقه انه سقط فى يدها ) على اساساننا بنتكلم عن الفك المفترس او ست السيد . بزمتكم عمركم سمعتم عن ست السيد؟ ولا دايما كنابنقول سى السيد وافتراه وظلموا لمراته المسكينه.وفى جمله تانيه لانيس منصور برضوا بتقول ( إذا الرجل كذب فهو إجتهاد...وإذا المرأة كذبت فهى غريزة )شايفين الظلم قال يعنى الراجل ياعينى لا بيهش ولا ينش ولا بيعرف يكدب ياعينى بيجتهد عشانيكدب بيعمل مجهود ياعينى إنما احنا معجونين بميه كدب واخدين دكتوراه يعنى فى الكدب .هى الآيه اتقلبت ولا ايه ؟؟؟ليه كده بس ؟ ليه بنوصف الرجاله على انهم ملايكه والستات هى اللى مليانين شر مع ان فىرجاله تستاهل الحرق .. انا طبعا مش بعم الكلام على كل الرجاله لان اى شئ فيه الكويسوفيه الوحش ولا يعرف الشئ الا بضده.كلنا جوانا الاتنين الخير والشر .. والاتنين فى صراع مع بعض والشاطر هو اللى يقدريخلى الخير اللى جواة يتغلب على الشر بس طبعا دى معادله صعب تحقيقها ومحتاجه ارادهقويه ده غير العوامل الخارجيه اللى بتأثر علينا يعنى احنا بنحارب فى كذا اتجاة.وطبعا الظروف او العوامل دى على الاتنين الرجل والمرأة على حدا سواء ومفيش انساناتولد ومعاه الشر بس احنا جوانا الاتنين الخير والشر فياترى بقى الاقاويل اللى طلعتعلى المرأة دى صحيحه ؟ ولو صح طب ليه مقولناش نفس الاقاويل دى على الرجل معان الاتنين خاضعين لنفس الظروف وعايشين فى نفس البيئه واللى خالقهم واحد.اسفه على الاسهاب فى الموضوع والاطاله بس سامحونى الموضوع مكنش ينفع فيه اقلمن كده وياريت الاقى حد معايا فى رايى عن المرأة.
السبت، ٢٣ فبراير ٢٠٠٨
يامظلومين بالقوى يا أحنا
الاشتراك في:
تعليقات الرسالة (Atom)
هناك ٤٩ تعليقًا:
ريهام
اولا انا احب ان اكون اول تعليق
انتوا مش مظلومين ولا حاجه
فيه الوقتى جمعيات بتدافع عنكم
جمعيات الدفاع عن حقوق المرأه
اما الرجاله بقوا مش ملاحقين
ولا منكم ولا من الغلاء ولا من الحكومه
حرام عليكم
وحكايه كذب المرأه غريزه
انا مصدقها
بس مش على كله
وأظن ان هى غريزه فى الرجل والمرأه
والله يا ريهام وبكل صراحة
الرجالة هيدخلوا جهنم بسببكم إنتم
إنتم اللي مودينا في كل المصايب
وأنتم أزمة الشعوب والأجيال على مدار العصور ...... وكفاية إن ليكم كل الحقوق وإحنا يا غلابة مفيش لينا أي حقوق ............ مع العلم إن مش كل البنات أو الستات كده
يلا بس والله رغم كل ده الحياة من غير البنات والستات ملهاش أي طعم ولا ليها أي لازمة يعني إنتم من الآخر كده شرور ولابد منها
تحياتي ليكي ولكل البنات والستات
ريهام
اسمحى لى به انى اختلف معاكى شويه
اولا مقوله فت عن المراة او رشا لا فم
ليه انتى وخداها ع اساس اننا نفت عنها فى المصائب ؟
ليه مش تكون فت عن المراة اللى وراء الرجل الناجح ؟
كمان القران اللى هو كلام ربنا و ربنا هو اللى خالق المراه و هو عارفها اكتر من المراه ما هى عرفه نفسها
يعنى مش سنفع نعترض على النص القرانى و لا انتى ايه ريئك ؟
مع انى عارف انك مش بتعترضى
اما مقوله ( لولا وجود المرأة لكان الشيطان من العاطلين)
انا احب اضيف عليه
لو صلحت المراه لصلح المجتمع
و الدليل على كده مدى اهتمام جميع الاديان سواء الارضيه او السماويه
و باقى المقولات نفس الرد
و سورى يا ريهام على تاخيرى عنك
العزيزة ريهام
اولا اشكرك على الموضوع اللذيذ
وطبعا انا مش هحاول اقول رأيى لانك هتحدفينى بالطوب لانى منطهد المرأءة اوى
لكن عموما ان مؤمن بإن المراءة دائما سبب لغالبية المشكلات فى حياتنا .. مش معنى كدة ان الراجل برئ على طول الخط لكن انا بقول غالبية المشكلات
المهم بقى
ليا ملحوظة
طالما انتى بتتكلمى عن ظلم واقع على المرأءة فمفيش داعى تذكرى ايه قراءنية فى النص
لأن ده معناه ان القراءة بيظلم بردو واكيد طبعا انتى ما تقصديش كدة
حبيت بس انبهك لخطأ فنى
وتقبلى تحياتى
أحمد الصباغ
ريهام
مش عارفه لى كنت متوقعه انه لما هدخل واشوف التعليقات هلاقى الولاد بينفوا الكلام دا
لكن للاسف م لقتش دا
مازال بردوا العند فيهم
انا مش عارفه الى قال ان الكذب غريزه فى المرأه
على اى اساس قالها
ربنا يزرع الغريزه جوه اى انسان
اكيد مش هيولد فى اى حد من عباده غريزة الكذب
واذا فى ستات بالصفات دى
اكيد فى رجاله مماثلين ليهم
ريهام مش عارفه اقول اى
بس ربنا معاكى
عاوزين دفاع بقوه
تحياتى
ماشى يا حسام بقى احنا مش مظلومين وفى جمعيات بتافع عنا؟ والله لو عملولنا مليون جمعيه انتوا محتاجين جيش يقف فى وشكم يامفترى حرام عليك دى الستات معروفين انهم غلابه عالميااااوبالنسبه للكدب فانا معاك الاتنين بيكدبوا
بالنسبة للموضوع
انا شايف انه موضوع جميل جدا و يستحق الاشادة و خصوصا في جمع الامثلة و المأثورات
و بالنسبة لانيس منصور انا عندي كتاب كامل اسمه "قالوا" و كله كلمات مأثورة من تأليفه او بمعني ادق عبارات منفصله عن بعضها في ذم المرأة و شجبها او ربما من وجهة نظره وصفها "علي اساس انها فعلا في الحقيقة زي ما بيقول"
بالنسبة للاية الكريمة انا شايف :
اولا : انتي فصلتيها علي سياقها و نزعتيها و جردتيها من محتواها .. و ده خطأ.. و الله سبحانه و تعالي الاعلم بالمراة لانه خالقها ..و اري -في تصوري الشخصي- ان المرأة ربما توصف بهذه الصفات من الكيد العظيم لانها قد تلجأ لاستخدام "الكيد" و الذكاء و الدهاء النسائي في حالة شعورها بالضعف الذي هو فطرتها .. اقصد بالضعف هنا "طبيعة المرأة" و اختلافها عن الرجل في امور معينة .... ولا اظن ان الله يصف المرأة بما ليس فيها فكيدها حقا عظيم في حالات معينة .. و اقول هذا و انتي تعلمين يا ريهام انني شاعر للمرأة و مؤيد لها ..
حتى انت يانوشه متحامل على البنات وبتقول اننا سبب البلاوى؟ طب والله حرام عليك لما احنا سبب البلاوى والمصايب اومال انتوا بتعملوا ايه؟؟؟؟
شكرا على الرد يا مارو وانا متفقه معاك فيه وبصراحه انت كنت محايد جدا فى اجابتك دى ومظلمتش المراة
للاسف برضوا طلعت المراة غلطانه وسبب المشاكل فى حياتك زى كلام نوشه ومعظم الرجاله للاسف هيقولوا زيك يا منطهد المراة بس ياترى ليه الموقف العدائى ده من الستات؟
واشكرك على الملحوظه المهمه دى هى فعلا فاتتنى بس انا مقصدش ان حتى القران ظالمنا لان زى مافى ايه بتقول ان كيدهن عظيم فى برضوا ايات كتير بتنصف المراة
ونورتنى يا خالو ومنتظرين البوست الجديد اللى هتكتبو .. ياترى دماغك فى ايه؟؟
غبيه تانى مرة اكشن اسفه يا خالو احمد او ياصباغ على الغلطه دى كان لازم اكتب اسمك فى اول الرد بتاعى بس دى غلطه مطبعيه وعموما اشكرك انك دايما بتوضحلى حاجات غايبه عنى فى عالم التدوين
شايف الروح الرياضيه فى تقبل النصيحه ههههههه
فارس الرومانسيه اشكرا على تعليقك الجميل وملحوظاتك دى اللى فى محلها وبجد انت فعلا شاعر ومؤيد المراة وربنا يخليك لينا يلى نصفتنى يابن بنت بنتى ياغالى
اهو اشهد يازمن اشهد ياتاريخ وانتى يا جغرافيا رااااااجل اهو نصف المراة وقال انها غلبانه وانها مش بطبيعتها شريرة تسلملى يا غالى
فعلا يا يورو احنا محتاجين دفاع جامد اوى وللاسف كلامك صح كل الرجاله ضدنا الا فئه قليله منهم بس ربنا معانا وهنلاقى اللى يايد كلامى ده
Hi, look here
بسم الله
اولا الموضوع حلو وجميل ولذيذ كمان
ثانيا انا بحسد كل راجل انو اتخلق راجل وفعلا الست اساس المصائب والحاجه الى تدخل فيها بتبوظ وبتيقه نيله خالص مع احترامى طبعا للستات ومع ذالك فى ستات طبعا بتقف واقفه رجاله واحسن من مليون راجل وفى الوحش وفى الحلو طبعا هى دى الحياه
تصدقى ياريهام انا لاحظت ان اكتر النكت الى فيها خيانه بتكون عن المراة حتى فى النكت بلاوى المراه هههههههههه
مع احترامى للجميع طبعا مع انى من النوع التانى ولازم اتحيز للمراه بس دى واقعه شفتها كتير اوى ستات زارعين الفساد فى البلدومع ذالك الدنيا من غير بنات او ستات متبقاش دنيا وهما عمرهم مايستغنو عننا
والله المستعان
يا بنتى عندك حق
كل راجل فاشل حياته يقولك المرأة هى السبب
عملونا شماعة يعلقوا عليها خيبتهم
مع انهم من غيرنا مايعرفوش يعملوا اى حاجة
برافو عليكى يا سمبل جيرل اهو كده الكلام ولا بلاش اديهم على دماغهم بدل ما كل واحد داخل يقولك الستات هما سبب البلاوى
السلام عليكم
اذيك يا ريهام ايه الكلام ده خلاص الرجاله وحشين اوي كده لالالالالالالالالا
مع انك بتهجمي كل الرجاله ال ي انا واحد منهم اكيد
ياريهام دي حكمة ربنا ومنقدرش نقول حاجه
اما انا هقول النساء نصف المجتمع وهيا الي بتجيب النصف التاني
هههههههههههههههههههههه
ماشى يا فيرس بقى انا بفترى على الرجاله اللى حضرتك منهم؟؟؟
بس برضوا متقدروش تعيشوا من غيرنا بالعند فيكم ودى حقيقه محدش يقدر ينكرها
لا ياريهام
نسيتى شىء مهم انى اكثر
ساكنى جهنم من النساء
برضه
بس مش ظلم ياريهام دى حقيقة
والناس بتقول واقع
والستات مبيعرفوش يكدبو
تحياتى
شششششششششششششششششششششششش
متتكلموش خالص
انتوا عمالين تاخدوا في حقوقنا تاخدوا في حقوقنا لحد ما في الاخر هنبقي احنا مفيش
وبعدين متنسوش ان انتوا الي طلعتونا من الجنة ؟؟
والي قال لوللا وجود النساء لكان الشيطان عاطل دة كان قصدة ان الستات اكبر فتنة علي الرجالة
وزي ما الرسول قال ما تركت فتنة اشد علي الرجال من النساء
يعني انتوا الي بتودونا في داهية دايما
هههههههههه
علي العموم موضوعك كويس وياريت بس تكوني عارفة انتوا علي اية
الله عليك يا عم عبد الرحمن ايه الكلام ده كلام ذي الرصاص رصاص ايه حرام عليك دول غلابه ياعم
يابني الاطفال احباب الله
انت كده هتعمل فتنه جنسيه بين الرجاله والستات واحنا مش قدهم دول اكتر منا بتلات مرات ربنا يديهم الصحه
ويرحمنا بس في الاخر من غيرهم منقدرش نعبش مين الي هيعملنا الاكل ويغسل الهدوم
ياعم عبد الرحمن ربنا يهديهم ليخدهم وفي الغالب هيهديهم
غلشان منعرفش نعيش من غيرهم
يا دوحه مع احترامى لرايك بس مش معنى ان سكان جهنم اكترهم من النساء يبقى الكلام عنهم مظبوط مش يمكن ده لان تعداد المراةء اكتر من تعداد الرجاله؟ ده حتى اكبر دليل ان الستات اكتر من الرجاله انهم مش لاقيين حد يتجوزهم ده شويه شويه هيعملوا اعلان خد عروسه ومعاها تلاته هديه واكتر من كده مينفعش الشرع محلل اربعه بس
وبالنسبه للكدب فالستات ميعرفوووش يكدبوا دول ملايكه بلسم كده
جوز الغفر قصدى العصابه قصدى عبدالرحمن والمعلم الكبير فيرس باشا بعد التحيه الكويسه اوى احب اقول لحضرتك منك ليه انك مفتريين ولا عبد الرحمن عمال يقول اخدتوا حقوقنا ..
احنا برضوا اخدنا حقوقكم يا ظالم ولا انتوا اللى بتاخدونا لحم وترمونا عضم؟ واحد بيغنى والتانى بيرد عليه يامفتريين وبعدين راحت فين ارادتك؟ لما احنا سبب البلاوى ماتبعدوا عننا؟ بس متقدروش هع هع هع
حبيبي اي محمد
غلابة اية ياعم انت مش عارف حاجة
احنا الي غلابة يا عم
دول زي القطط بياكلوا وبينكروا
يا عم زهقنا من الشعارت بتاعت المراة نص المجتمع والحوارت الكدابة دي
هما قعدوا ينقوا ويقولوا لازم الست تكون قاضي وبقت قاضي مع انها ملهاش فيه اصلا
اية يعني تاني عايزنها تكون رئيسة
الرسول قال
لا خير في قوم ولوا امرهم لامراه
عايزين اية تاني
حررررررررررااااام عليكوا
(ايقون بيشد في شعره)
علي العموم يا محمد انا حاجة تشرفني انك تكون متحد معايا ورايك من رايي واصبر لما نشوف ريهام شكلها هتولع فينا دلوقتي احنا الاتنين
استرها يارب
(ايقون بيخبي وشه)
برضوا هنفضل مظلومين معاكم وقولوا زى مانتم عاوزين واحنا فعلا نص الجتمع ولو تقدر تنكر الحقيقه دى تبقى بتضحك على نفسك لان وجودنا مهم فى حياتكم وكمان عشان الحياة صورتها تكمل وزى ما فيه رجاله مفتريه وحط تحت مفتريه دى مليون خط يا عبدالرحمن والاستاذ فيرس اللى بيايد عبدالرحمن المهم ان فى برضوا رجاله طيبه وكذلك الستات
انا مكنتش قصدى التعميم وكنت برضوا متوقعه الهجوم ده من الرجال لان مش من طبعهم الرضا بالامر الواقع ومعروف عنهم التمرد وانكار الاخرين بس بشكر الرجاله اللى كانوا ع الحياد فى الموضوع مش زى ناااااس؟
مع غط النظر عن التهزيق والغلط انا مش هلك كتير ولا هقول شعارات ولا مجملات ولا هخاف من حد اي حد وياريت متزعليش ياريهام
من الكلام الي هيكتب ده من الاحسن انك مش تقريه ولا اقولك اقفلي المدونه واميلك وامشي روحي والاحسن تنامي بس تنامي صحيه
علشان احنا هنطلعلك في الحلم وممكن نخلص علي الي ظلمنا احنا غفر وايه تخدونا للحم وترمونا عظم انتي شكلك بتحبي افلام عربي اوي ليه انتم فرد كوتش
واخدنا حقوقم وظلمناكم في محاكم
والايام بيننا .....
ياريهام انتي فتحتي عليكي حفره واسعه مليانا كلام وممكن تلسعك مش هتعرفي تسيديها الا برضانا
حفره ممكن تقعي فيها واحتمال نردم عليكي ونحط يفطه مكتوب عليها ميته مع ايقاف التنفيذ
بس في الاخر يا جماعه مش عاوزين نخسر بعض احنا عاوزين نقفل الباب ده
وعلي راي لمسل الباب الي يجيلك منه الريح شيله وركب كبنوري
من فيرس
فى ظل هذه الحرب على راى صاحبه المدونه
قررت اهدى تلك القصه اليها
وهى عباره عن حوار بين رجل وامراه
قال لها ألا تلاحظين أن الكـون ذكـراً ؟
فقالت له بلى لاحظت أن الكينونة أنثى
قال لها ألم تدركي بأن النـور ذكـرا ً ؟؟
فقالت له بل أدركت أن الشمس أنثـى
قـال لهـا أوليـس الكـرم ذكــرا ً ؟؟
فقالت له نعم ولكـن الكرامـة أنثـى
قال لها ألا يعجبـك أن الشِعـر ذكـرا ً؟؟
فقالت له وأعجبني أكثر أن المشاعر أنثى
قال لها هل تعلميـن أن العلـم ذكـرا ً؟؟
فقالت له إنني أعرف أن المعرفة أنثـى
فأخذ نفسـا ً عميقـا ً
وهو مغمض عينيه ثم
عاد ونظر إليها بصمت
لـلــحــظــات
وبـعـد ذلـــك
قال لها سمعت أحدهم يقول أن الخيانة أنثى
فقالت له ورأيت أحدهم يكتب أن الغدر ذكرا
قال لها ولكنهم يقولون أن الخديعـة أنثـى
فقالت له بل هن يقلـن أن الكـذب ذكـرا ً
قال لها هناك من أكّد لـي أن الحماقـة أنثـى
فقالت له وهنا من أثبت لي أن الغباء ذكـرا ً
قـال لهـا أنـا أظـن أن الجريمـة أنـثـى
فقالـت لـه وأنـا أجـزم أن الإثـم ذكـرا ً
قـال لهـا أنـا تعلمـت أن البشاعـة أنثـى
فقالـت لـه وأنـا أدركـت أن القبـح ذكـرا
تنحنح ثم أخذ كأس الماء
فشربه كله دفعة واحـدة
أما هـي فخافـت عنـد
إمساكه بالكأس مما جعله
ابتسمت ما أن رأته يشرب
وعندما رآها تبتسم لـه
قال لها يبدو أنك محقة فالطبيعة أنثـى
فقالت له وأنت قد أصبت فالجمال ذكـراً
قـال لهـا لا بـل السـعـادة أنـثـى
فقالت له ربمـا ولـك الحـب ذكـرا ً
قال لها وأنا أعترف بأن التضحية أنثـى
فقالت له وأنا أقر بأن الصفـح ذكـرا ً
قال لها ولكنني على ثقة بأن الدنيا أنثى
فقالت له وأنا على يقين بأن القلب ذكرا
ولا زال الجـدل قائمـا ً
ولا زالت الفتنة نائمـة
وسيبقى الحوار مستمرا ً
طــالــمــا أن
الـسـؤال ذكـــرا ً
والإجـابـة أنـثــى
فمن برأيكم سوف ينتصر على الآخر؟
الله عليك يا حساااااااااام والله بجد استمتعت اوى وانا اقرا التعليق الاخير بتاعك وفعلا يظهر ان ختامها مسك
قصه فى منتهى خفه الدم بتوضح فعلا الصراع بين الرجل والمراة بس فى النهايه وبابتسامه صغيرة كل حاجه اتصلحت والنفوس هديت وبدل ما كانوا بيقطعوا فى فروة بعض قعدوا يشكروا ويمدحوا فى بعض
اشكرك انك نهيت هذة الحرب بابتسامه وخفت دم تهدى النفوس
من اخوكي the_littlepharaoh
اولا السلام عليكم
ندخل بقى فى الموضوع
عجبنى اوى انك جايبه من القرآن و من الاقوال المأثورة و من الكاتب انيس منصور و حتى من نتيجه العام
ده ممكن يكون دليل ان المرأة شريره
بس خلينا نقول انها مثل الرجل بالضبط بتتولد و هى لا تختلف عن الملايكه كتير
بس انا رأيى ان يمكن علشان هى بتمشى ورا قلبها علطول , يمكن هو ده السبب
لان قلبها عاطفى و لان القلب دايما مبيحسبهاش زى العقل فهى ممكن تاخد قرارات سريعه و غلط كتير , ده ممكن يبين انها اسواء من الرجل اللى لازم بيحسب كل حاجه
و لان قلبها برده عاطفى فهو دايما بيدور على الامان و العطف و الحنان
و ده بخليها دايما حاسه بخوف و بيدور على الامان فى كل مكان و ده كمان بيخليها تبعد عن الافكار اللى مش كويسه او الافكار الشريره لانها بطبعها بتدور زى مقولنا عن الامان و السعاده
و في حاجه علميه كمان بتقول ان المرأة بتفكر بطريقه حلزونيه (يعنى ممكن تفكر فى اكثر من حاجه فى نفس الوقت), اما الرجل بيفكر بطريقه متسلسله (اى انه يريد انجاز ورا انجاز) , مبيعرفش يفكر فى اكتر من حاجه واحده فى نفس الوقت , ده طبعا ممكن يخلى المرأة تفكر فى ميت مصيبه فى نفس الوقت اما الرجل فالبكتير بيفكر فى مصيبه واحده
كمان فى حاجه مهمه انا شايفها
ان الرجل علشان بيفكر بعقله دايما فهو حاسس بقوة لان العقل واثق جدا فى نفسه , اما المرأة فبتفكر بقلبها زى مقلنا و القلب دايما خايف لانه رقيق و رومانسى و ده بيخليه دايما حاسس انه ضعيف , فبالتالى المرأة دايما بتحس بخوف و ضعف ... ده بيخلى الرجل يسيطر على كل الامور ... يمكن علشان كده المرأة دايما بتحس انها اضعف , فلما بتفكر فى مصيبه بترتبها صح لانها ببساطه بتكون باعت , و نوت على الغدر .
من الاخر انا قصدى انى اقول ان مفيش حاجه اسمها المرأة اقوى من الرجل و العكس
كل واحد و ليه ملعبه
ازيك يا محمد او الفرعون الصغير واحب اشكرك مرتين مرة لانك نورتنى فى المدونه وفضلت حوالى ساعه وانت مصمم تبعت التعليق ده رغم صعوبه ارساله فى الاول
وثانيا اشكرك لانك كنت صاحب الفضل وناقشتنى فى الموضوع قبل ما اكتبه فى المدونه ودا شجعنى اكتر انى اكتب واجمع كل الامثله اللى استشهدت بيها فى الموضوع رغم ان فى بعض الناس الموضوع معجبهاش وشايفه انه مفيهوش جديد بس زى ما بيقولوا الاختلاف فى الراى لايفسد للود قضيه
وبالنسبه لكلامك يا محمد فانا متفقه معاك فيه فعلا المراة بتفكر بقلبها والراجل بيفكر بعقله ويمكن ده السبب ان الستات بتقع فى المشاكل او بتسبب مشاكل احيانا ده لانها عاطفيه اكتر من اللازم عكس الرجل
واسفه لو كان الموضوع ضايق اى حد او انه معجبش بعض الناس بس عموما انا لسه سنه اولى تدوين وان شاء الله اكتب حاجات احسن وتعجبكم
الكلام بتاعك حلو
انا مش لاقي حاجه اقولها الا زي ما انتي قولتي ان كل شئ فيه الوحض و فيه الحلو و بس خلاص
ايه رائيك في اسهابي .؟؟ :D
بسم الله
على فكرة بقه ايوة الستات مظلومين وطالع عنيهم مين الى بينضف ومين بيغسل ومين ومين ومين الى بيجيب الرجاله مهى بردو
وبعدين انتو من غير الستات متسوش حاجه خالص
وكمان عبد الرحمن ابقه اقرء الايه كويس هتعرف ان الشيطان وسوس لالاتنين وهما الاتنين مشتركين فى طلعهم من الجنه
والله انا فعلا كدة عرفت اننا مظلمومين
وكمان فى حاجات بتبقه نفسنا نعملها مثلا زى لعب الكورة ومش بنقدر نعملها وكتير اوى
وبعدين انتو مالكم كدة جايين علينا ليه
مترحمونا بقه طالع عنينا وانتو اخواتنا وانتو جوازنا مبهدلينا ليه
والله وبعدين مش الست دى بردو هى الام
والاسلام بيقول الجنه تحت اقدام الامهات
والام هى المستقبل الاول للطفل واول مابفتح عينو بيفتح عليها
والرجاله بقه فيهم داء وحش كلهم خاينين وغدارين وملهمش غالى وخاينين كمان مرة وفيهم ناس وحشين اوى وكمان فيهم الحلوين بس وربنا الى هيتكلم ويقول ان المراة اساس البلاوى يبقه معندوش احساس بس بقه فجرت الى جوايا
وانا عاوزة واحد يحاوب تقدر تعيش من غير اختك او امك او مراتك فى يوم من الايام دة الراجل بيبقه مع حبيبته زى الطفل روحو اجرو يارجاله وقال الواحدة اس البلوى
والله المستعان
اهو كده الكلام ياكتائب القسام عرفتى بقى اننا مظلومين مع الرجاله؟؟؟؟ وطبعا اللى هيشوف كلامك ده هيدخل يقولك مهو الراجل طالع عينه برة البيت عشان يجيب فلوس ويصرف عليكم
مش هنعترض بس كمان زى ماهما بيتعبو احنا كمان بنتعب اكتر منهم وفى رجاله بتبقى حاطه ايدها فى الميه البارده
وشكلنا كده بعد الموضوع ده هنعنس انا وانتى يا كتائب يلا عالبركه ههههههههه
باين كدة ياريهام
بس مش مهم اننا نعنس مهىمصر فيها 13 مليون عانس هتيجى علينا احنا
والله المستعان
من غير كلام ولا سلام
كفايه كلام قصائد وشعرات وبلاش ندخل في حورات علشان كله هجص ومؤامرات
ياجماعه بلاش كلام كتير هنوجع ادينا في كتبته وعنينا في قريته انا بحب المختصر المفيد
مش هلك كتير في موضوع معروف انه تعبان
ومعروف قصته من قبل ميتخلق الانسان
كلام واضح ومعروف مش عاوز لف ولا دوران
مين الافضل الراجل ولا الست حوار طلع في الجورنان
وقبل كده طلع كتاب لقاسم امين اسمه تحرير النسوان
والي حرركم كان راجل انسان
من غيره كنتم لسه مظلومين وبطلبم بحقوق النسوان
بلاش تبرروا وبلاش كلام كتير علي الرجاله والشبان
في الحلو وفي الوحش في كل زمان ومكان
يعني انتم كلوكم حلوين
ولا بتحسوا انتك قريبين
من قلب الراجل الغلبان
وتوصلوا لقلبه ذي التعبان
وبعدين تقولوا امشي انت خاين وجبان
احنا مش عاوزين ننكركم او بنقلل منكم احنا عاوزين نوضح بس اصل ضبع النسوان
من فيرس
شوف ياحسام بالنسبه لسؤالك مين هينتصر فى الاخر؟
احب اقولك ان دى حرب بلا نهايه ومفيش حد هينتصر ليه بقى لان الرجاله هتنحاز لجنسها من الرجال طبعا والبنات كذلك ونفضل احنا ندافع ونقول حقوقنا يا مفتريين وانتوا تقولوا ده احنا اللى غلابه وهكذا مفيش طرف هيستسلم للتانى
احنا هنتحد
وهننتصر
وهذه دعوه من مدونه بنت
يا رجال العالم اتحدوا
واستعدوا لمعركه الحياه
استعدوا لنغلب الطغاه
السلام عليكم
ريهام
اول زيارة لمدونتك الجميلة
ربنا يعزك ياااااااارب والى الامام دائماً الى مافيه خير لنا ولامتنا
بصى بقى يلا ندخل فى الموضوع
طبعا الحريم دول عاوزين الحرق هههههههه
بغيظك بس
المهم البنت دى اختى الست دى امى الطفلة دى بنتى لما اتزوج يعنى
المهم الام دى تعتبر مدرسة فمينفعش انها تكون مدرسة مهدمة الاسوار اوك فالبضبط لازم الام تكون قدوة لاولادها هتقوليلى طب ابوهم راح فين
هقولك ابوهم مطحون طول النهار فى الشغل علشان يجبلهم الاكل والفلوس اوك فاننا لازم نتفق ان الام لازم تكون قدوة وعلى خلق عالى وتكون على درايه باحوال اولادها اوك
ومعلش فى ايامنا دى البنات يستهلوا الحرق اظنك بتشوفيهم فى الجامعة وفى الشوارع لا حياة لمن تنادى
اللهم اهدى بناتنا وبنات المسلمين ووفقهم الله واحرمهم وارحمنا اللهم امين
وتحياتى لكى اختى الفاضلة على موضوعك الجميل وربنا يوفقك تحياتى
انا اسف دى تانى مرة معلش غلطة مطبعية
اعزرينى بس انتى مالك زعلانه مننا ولا ايه مش عاوزه تزورينا اوك برحتك انتى خايفه مننا علشان احنا اخوان ههههههههههههههههههههههه
ريهام
انا معاكي طبعا ان الموضوع مهم جدااا
فتش عن المرأة مزعلاكي ليه بس ياريهام الي قالها عنده حق طبعا لازم اي راجل ناوي يكون له كيان في الدنيا يفتش عن الانسانة الي هتشاركه حياته عشان تقدر تسعد له ايامه وحياته كلها
ذكرك للاية الكريمة في غير محله
لانها طبعا نزلت في واقعة معينة وهي واقعة اغراء امرأة العزيز لسيدنا يوسف عليه السلام وفي الحالة ديه محدش يقدر ينكر ابدا دهاء المرأة لما تستخدم سلاح انوثتها امام الراجل هو دايما بيكون سلاح كيدي لولا رحمة الله
لكن القرأن ايضا ذكر امثلة لنساء عظيمات زي مريم ابنت عمران وزوجة فرعون ويلقيس زوجة سيدنا سليمان
كلهن عظيمات في مواقعهن
مش معني كلامي انه لايوجد اضطهاد للمرأة وقمع ليها في مجتماعاتنا الشرقية بالعكس
ده موجود وبكثرة وطبعا مخالف لاي تعاليم دينية
لكنه عرف سايد في مجتماعتنا
كتير من الرجالة شايفين الرجولة الحقيقية بتكون في قمع النساء عامة مش شرط مراته وبس لاء مراته وبناته واخواته اما ضربهم فدا بقي ايه وسام بطولة يستحق الفخر
مش عارفين ان قمة الرجولة في احترامه لكيان ربنا ميزه بعقل يقدر يفكر يقرر يختار يتكلم يعبر يحكي ...يعييييييييش
عاوزة ااقولك ان ده شيء للاسف مفروض علي الراجل برده هتقوليلي ازاي ااقولك من صغره امه فرحت قوي لما خلفته وكشرت لما جابت بنت
طول الوقت بيكبر ومن طفولته انت الراجل انت كذا حتي ياسيتي في الاكل تلاقي الام من دول حاطاله نايب الاسد ليه يا ماما الواد بيشتغل يابنتي طول النهار قال يعني احنا الي قاعدين نهزر
من الاخر
منظومة مجتمع مخطيء في طرق التربية للاطفال من البداية فشيء طبيعي انك تجني ثمرة ماتزرع
وانت زرعة رجل بقوة
ومرأة بضعف
فلنتحمل النتيجة اذن
تحياتي
واعتذر لتاخير الرد
بوست جامد يا ريهام ولو أنى جيت متأخر , الجنس الناعم عامة انا بعتبره أكبر لغز فى تاريخ البشرية , واللى يعرف يتعامل معهن بسلاسة فقد فاز , ولاحظى سيطرتهن على الرجل فى كل مراحل حياته تقريبا فهى أمه وأخته وزوجته وابنته.. ورآى الخاص ان السيدات مش مظلومين جدا زى مأنتى متخيلة .. تحياتى
شكرا يانجم انك نورتنى بذيارتك فى المدونه وتعليقك عجبنى جدا واعتقد ان مفيش حد قال زيك ان المراة هى امك وبنتك واختك بجد عجبتنى الجزئيه دى
بالنسبه بقى لذيارتى فى مدونتك فدا اكيد ان شاء الله ومش عشان اخوان هخاف يعنى وبعدين مالهم الاخوان ؟ احنا مش بنخاف غير من ربنا وبس (ايقون بيطلع لسانه) هههههه
اولا شكرا ليك يا حازم انك وافقت على الدعوة وقريت البوست وكمان علقت عليه وانا مش معترضه على كلامك انا عارفه ان مش كل الستات مظلومه بس متهيالى ان نسبه الظلم على الستات اكتر من الرجاله .
وانا معاك ان الستات لغز بس زى مانت قولت اللى يفهمنا يعيش فى نعيم بعدها وانتوا كمان الرجاله يعنى اللى يفهم طبيعتكم يرتاح وميبقاش فى مشاكل
شكرا ليكى يا بطوط ومفيش داعى للاسف خالص المهم انك قولتى رايك فى الموضوع لانه كان يهمنى جدا اسمع رايك فيه
ايه الجمال ده
بصراحه مدونه جميله
والبوست اجمل
تسلم ايدك
اول زيارة لمدونتك ولن تكون الاخيره
السلام عليكم ورحمة الله وبركاته،،،
اردت ان اقول ان لا فرق بين الذكر والانثى
المرأة والرجل،،،
فالكل يخطئ ويكذب أيا كان (ذكر او انثى)
ومن يقول(لولا وجود المرأة لما كنا دخلنا جهنم)
فاعلم انك تدخل الجنة او النار بما عملت ولا ششأن لأي شخص بما عملت
وكذلك(لولا النساء لما وُجِدَ رجال اليوم)
وشكرا للجميع...
إرسال تعليق