ياترى اى اتنين مخطوبين حدود علاقتهم وكلامهم مع بعض ايه يعنى هل فى حدود اصلا ولا المفروض انهم يلغوا اى حدود بينهم فى الكلام؟ يعنى طبيعى يتكلموا مع بعض عن كل حاجه لدرجه الكلام فى الحياة الزوجيه بحجه انهم كده بيتعودوا على بعض اكتر . بصراحه الموضوع يحير لانهم لازم يتعودوا وياخدوا على بعض وفى نفس الوقت مش كل حاجه مباحه ومسموح بيها . اينعم الخطوبه فترة تعارف بس معتقدش انها توصل للكلام فى مواضيع محرجه اوى كده . اعتقد ان التجاوزات ممنوعه على الاقل من الناحيه الدينيه . السؤال ده سالتوا لبنت مخطوبه ردت عليا وقالتلى ان الكلام ده طبيعى جدا لانه خطيبى وهيبقى جوزى فى المستقبل ولازم ناخد على بعض قبل الجواز وبنتكلم فى كل حاجه بصراحه ومفيش مانع من القبلات كمان . وقالت ان كل الناس او اى اتنين مخطوبين بيعملوا كده يعنى الاختلاف ممكن يكون فى الدرجه من واحد للتانى مش فى الموضوع نفسه يعنى ده بيحصل بين الكل وان هى مش حاله شاذه. عشان كده حبيت اخد رايكم فيه ياترى مين الصح ومين الغلط. يعنى هو ده الطبيعى وانا اللى مش طبيعيه وبفكر غلط ومعقده؟ ولو النوعين موجودين يعنى النوع المؤيد والمعارض للموضوع ده موجودين ياترى مين النسبه الغالبه فيهم؟
ملحوظه الكلام ده مفيش اتنين هيختلفوا انه حرام من الناحيه الدينيه انا بتكلم عن الطبيعه البشريه نوافق ومنعقدش الامور ولا نرفض الكلام والتجاوزات دى اذا صح التعبير واعتبرناه تجاوز؟؟
هناك ٦ تعليقات:
بصي يا ريهام انا شخصيا اعتقد ان دة مش صح
و يخلي علاقة الخطوبة شكلها وحش و جايز يجر الاتنين لانفاق الزواج العرفي او الخطأ و اعتقد ان الكلام اللي قالته صاحبتك ليس له اساس من الواقع
انا رايى زيك برضوا كل اللى انا عوزاه اشوف كام واحد معانا فى الراى ده وكام واحد ضده النسبه يعنى هتكون فى صالح مين؟ وبعدين ده مش خيال ولا حاجه ياشمس ده كلام حقيقى وبيحصل وبين اى اتنين حتى لو مش مخطوبين كمان ومتستغربش
على فكرة ليكي تاجين عندي تعالي خديهم
خدعوك فقالو ان "الخطوبه فترة تعارف" فالتعارف يحتاج الى فترة طويله وكثير من المواقف المشتركه
الخطوبه هى الفترة التى يقضيها كيس الخضروات المجمد مع كيس اللحم المجمد بعد خروجهما من الفريزير حتى يذوب الثلج ويبدأالاندماج الحقيقى حتى يصبحان فى اناء واحد مع حبة ملح وفلفل على نار هاديه...
موضوعك دا بيفكرنى بواحد صاحبى بس اوعى تفهمينى صح
صاحبنا دا كان فى سهرة رومانسيه هوا وخطيبته وهما فى العربيه بأه خلاص بعد السهرة وهوا مروحها ... بص لقى الشارع خالى...طلبت معاه قبله على السريع ... وبعد اندماجه فى القبله بص لقى 2 امناء شرطه مستنينوا بره العربيه لما يخلص.....ماقلكيش صاحبنا كان منظره ايه
انا معاياريهام التعارف مش فى الموضيع ده وبعدين متنسوش اناحنا مفروض شرقين متمسكين بكل الاعادات والاصول الدنيه بعدين هى كل الموضيع خلاص خلصت معتش غير الموضوع ده اللى هيعرفهم ببعض ولو فرضنا ان الخطوبه باظت هيبق هى شكله ايه
انا با ربهام اقول مش صح لانو ما تقدري تعرفي ايش راح يصير بالكي حكيت معا بهاي المواضبع الي حيكيت بيها ودشرك شو راح تساوي وكمان القبلات محرم الا اذا كان متزوجك بس حبيت اقولك هك لانو ما احب حدا يخلط هاي الخلاظة لانو الشباب غدرين يس مش كلهم يكونو يتسلبو ولانو كمان قلب المراة حساس جدا مش مثل الشي
انا بس حبيت اوضح هذا الشي مش كل الناس ثقول الي قلتي لان هو غلط
إرسال تعليق