هل توافق على الارتباط بأخر له ماضى ؟؟؟؟؟؟ هو ده السؤال اللى بطرحوا عليكم النهرده . سؤال مش سهل الاجابه عليه لان الماضى انواع وكمان بالنسبه لى غير بالنسبه ليك يعنى كل واحد وله وجهت نظر فى الموضوع ده . وبعدين حب زمان اختلف عن حب دلوقتى يعنى مثلا حب عبد الحليم فى الوساده الخاليه لسميحه او لبنى عبد العزيز غير حب عمر لسلمى . فاياترى زى ما نظرتنا للحب اتغيرت عن زمان الماضى كمان نظرتنا ليه اتغيرت ولا لسه زى ماهى فكرتنا عنه؟ يعنى مثلا فى ناس قالتلى الماضى انواع على حسب نوع الماضى ده كان ايه هل هو مشرف ولا غير مشرف؟؟؟ وطبعا البنات رايهم هيختلف شويه عن الشباب يعنى لو بنت ممكن يكون رايها انها تسامح حببها على ماضيه مهما كان بس يقولها الحقيقه ويصراحها بيها .
لو ولد بقى ممكن يقول افكر او يرفض ان حببته يكون ليها ماضى اصلا وحتى لو اتظاهر بالموافقه هيكون من جواة مش راضى على الكلام ده .
ملحوظه اخيرة دى مجرد وجهت نظر والحكم للشباب من الجنسين انتوا اللى هتقولوا رايكم فى موضوعى ده ونشوف حكايه الماضى دى من وجهت نظر الجيل الحالى ايه.
ياجماعه ارجو منكم الصراحه مش عاوزة كلام انتوا مش مقتنعين بيه
الاشتراك في:
تعليقات الرسالة (Atom)
هناك ١٩ تعليقًا:
ريهام ياقمر
كل انسان في الدنيا ليه ماضي ليه تاريخ ليه عمر عاشه قبل مايقابل نصفه الاخر
مش من حق اي انسان يحاسب انسان علي الماضي لانه مايخصهوش
يحاسبني من بداية لحظة الارتباط
اما الماضي فدا شيء راح و انتهي
اما ان الحب اختلف شكله
فدا اكيد
بس ياريت نرجع لزمان
تاني
تحياتي
ريهام
الموضوع مهم بالرغم من تكراره بس مهم
بالنسبه لموضوع الماضى
بصى يا ستى
اولا انا احب انى اعرف كل حاجه عن الانسانه اللى سوف ارتبط بيها
ماضيها و حاضرها و لو ممكن مستقبلها يعنى تخطيطها
لانى بشوف
ان الواحده و الواحد لما يكونوا متصارحين ده افضل من انى اعرف من بره
بالنسبه بئه ماضى مشرف او غير ؟
انا اضمن منين ان ماضيها مشرف بالرغم من وجود عمليات بتغير حاجات كتير
ع شان كده انا احب الصراحه حتى لو مش مشرف
شكرا لكى
إزيك يا ريهام وياريت تكوني بخير
من وجهة نظري وعن تجارب شفتها وعشتها إن لو فيه حب بجد وحقيقي من القلب والعقل وكل الكيان يبقى الماضي ده مهما كان ممكن يتنسي حتى لو كان غير مشرف المهم الصراحة المتناهية والإحساس بالغلط والخطأ وتجانبه تماماً والبداية من جديد مع صفحة جديدة من الحب والرومانسية
بصراحة يا ريهام انا شايف لو في حب حقيقي الماضي مش هيفرق بس ما يبقاش ماضي وحش قوي لدرجة انها تكون مسجلة في مباحث الاداب يعني
لحد دلوقتى النتيجه 3/1 يعنى الشباب اجمعوا على ان الصراحه اهم شئ مهما كان نوع الماضى ده ايه وبطوط اللى بتمثل البنات قالت الماضى ميخصش حد عموما شكرا انكم قلتوا رايكم بصراحه فى الموضوع بس انا مش مع ولا راى فيهم يعنى الشباب قالت الصراحه اهم شئ لكن ده مش حقيقى لان ساعتها مش هتسامحوا برضوا مش هتقدروا تسامحوا وبالنسبه لبطوط برضوا لازم شريك حياتك يكون يعرفك اكتر من نفسك يعنى لازم يعرف كل حاجه عن الانسانه اللى هيرتبط بيها
انا عن نفسي يا ريهام عادي المهم انه يكون ماضي برئ وانا متاكد من كده اما ان كان ماضي غير برئ فلا والف لا
انا شايفة ان الراجل الشرقى غير مؤهل للصراحة
لان مشاعر الغيرة وسوء الظن هتتملكه وهيكون صعب عليه انه يثق فيها لو هى حكيتله عن حاجة
مجرد معرفته انها ارتبطت بواحد قبله دة هيجننه
وهيقعد يقول لنفسه يا ترى انا اول واحد تعمل معاه كدة ولا عملته قبل كدة
حتى لو قالتله بحبك
هيقول طب ماهى قالتها لواحد قبلى
باختصار
انا رايى انها ماتصارحوش
عشان الرجالة بتوعنا عقلهم فسفس
ايه الى يخلينى ارفض ارتبط بانسانه ليه ماضى بشرط يكون الماضى بتعها لا يسؤء ايه المكشله انها حبت قبلى بمعنى اخر انا ميهمنيش اكون اول واحد فى حياتها لكن يهمنى انى اكون اخر واحد فى حياتها
بصى يا ريهام
انا دينا اول مره اشارك هنا بس اسمحيلى اقول رأيى
انا كان ليا علاقات قبل الخطوبه وقابلت نوعيات من البشر ونوعيات تانيه عرفت عنها من اصحابى وهقولك الخلاصه :
رد على كلام سمبل جيرل سمبل دريم هقولك مش كل الرجاله كده بجد فيه رجاله بيبتدو من اول يوم عرفو فيه شريكة حياتهم والحمد لله خطيبى واحد منهم وبجد عمره ماشك فيا لحظه ولا حتى جابلى سيرة الماضى اللى هو عارف كل تفاصيله
فيه رجاله تانيه انا الصراحه بسميها رجاله مريضه لانهم بيشكو فى هدومهم واذا اتقالهم عن مجرد علاقه حب بريئه هيفضلو بقى يقولو الكلمه المعهوده وايه ضمنى ؟؟ اهى الرجاله دى بقى غالبا ما بياخدو على دماغهم "سورى فى اللفظ" ويتخمو فى بنت مقطعه السمكه وديلها زى مابيقولو وبيتقرطسو
بجد مش كلام انشا اللى بيحب بيحب من غير بس .. اصل .. طب وانا اعرف منين
اللى بيحب بيثق
اللى بيحب بيقدر ويفهم ويعذر
وده رأيى
well....it looks 2 B a simple question...though it has no specific answer...
as U ask about Human Reaction about some things ..and U will never find a general base ...my opinion ...
It depend on that one ( M or F),,how mature he is...how Cultured he is ..and if he or she in real love 2 forgive and trust..
take care of Ur fiance as long as he is a good one..B happy..salam
انتى مش ناويه تكتبى تانى و لا ايه ؟
الحبر بتاعك خلص ؟
اجيب لكى قلم ؟
اولا السلام عليكم
صلى على النبى ياستى
لو هى
بتحبنى اوى
وحسيت كدة اكيد هحبها
بس كل ماهفتكر انى ليها ماضى اكيد هياثر على حبنا
لكن مش هياثر انى ارتبط او لا
يمكن اتنا حبى هيقل كل ماافتكر انى كان ليها ماضى
وبعدين تعالى هنا
هو فى بنت فى زمانا مالهاش ماضى
صلى على النبى فى قلبك
اولا ازيك يا ريهام
اية اخبارك
الموضوع اللي طرحتية مهم وخطير لانة بحدد مستقبل علاقات كتير جدا
طرحتي سؤال اذا كانت حبيبتي ليها ماضي
انتي اوردتي ان الماضي بيختلف من حالة لاخري ونظرتنا لية كامن بتختلف
لكن اللي مش بيختلف هو الواقع
يعني
هل حبيتي دي مازالت متمسكة بحبها لحبيبها الاول
اذا كان ده فعلا فاني هانسحب فورا ليس لشي غير اني مبحبش اكون اناني
دول اتنين بيحبوا بعض وعيب قوي لما احرمهم من بعض حتي لو كان ده علي حسابي وحساب مشاعري
اما اذا كان الماضي مجرد ماضي
يعني كان اعجاب او حتي حب وانتهي بمرور الايام
فانا شايف ان ده شي عادي
لان الحياة تجارب
والحب احدد هذة التجارب
المهم يتبني علي صراحة ووضوح من البداية
بالنسبالي انا
انا ممكن اعترف للانسانة اللي بحبها وهارتبط بيها علي كل ماضيا
والله يا قمر
هى بتفرق حسب نوع الماضر طبعااا
يعنى اكيد ميكونش الماضى ده اغتصاب وجواز عرفى
اما الماضى الطبيعى زى كل الناس اعجاب او حتى حب مثلا فهنا يبقى عادى
بس اعتقد ان الرجل المصرى مش بيتقبل ماضى لزوجته او حبيبته
بيحب يتضحك عليه يعنى
مواضيع مهمة يا قمر
بصراحة انا رجعى شوية بالنسبة لموضوع الماضى ده , يمكن بأعتبار اننا شرقيين ولا يسلم الشرف الر.. الخ , بس لو الماضى ده كان علاقة بريئة او بعلم الأهل .. فى الحالة دى يبقى عادى
على فكرة الصديقة سارة ابدت ملاحظة ذكية جدا وهى ان الرجل المصرى بيحب يضحك عليه ودى حقيقة , واحيانا البنت اللى بتصارح حبيبها بماضيها بيكون ده اخر كلام بينهم
الرائعون كالأحجار الكريمه لا نصنعهم ولكن نبحث عنهم لنهنئهم بالعام الجديد ... كل عام وأنتم بخير
عام مضى وعام يأتي ويارب السنه دي تكون أحسن من الي قبليها ونشوف نفسنا و بلادنا أحسن .... بدري بدري كده قبل الزحمه
هي مشاركة متاخرة جدا، ولكن
أنا مافيش عندي مشاكل في الماضي، المهم الحاضر،
من منا لم يخطئ في حياته، فإذا تاب، تاب الله عليه. وإذا كنت مطمئنا إلى شريكي، فلا خوف من الماضي،،
المهم إني أكون مرتبط بامراة أطمئن وأنا أفارقها إنها لن ترتكب خطأ..
تحياتي
بسم الله
ياريهام ياحبيبه قلبى من وجهه نظرى انا عادى لان مفيش حد وخاصه الشباب ملهومش ماضى وعلى فكرة الحاجه الوحيدة الى مش بتتغير هى الحب لان الى بيحب بصدق هيفضل يحب بصدق بصرف النظر عن الناس التانيه
وعلى فكرة اى انسان كان بيحب قبل كدة حتى لو كان بيموت فى الى كان بيحبها اول مابيرتبط بحد تانى بينسى علطول دة لو شخص عاقل يعنى يعنى اول مابيلبس دبله الخطوبه او الجواز كل دة بيبقه ماضى وانتى الى قايله له ماضى يعنى كل دة ماضى سيبنا بقه من الماااضى وخلينا نفكر شويه فى المستقبل
والله المستعان
إرسال تعليق